කන්ද මුදුන'ත තනිවුණ
ගිනිහුළක් ළඟ වැතිරෙන
මිනිසෙකු සිරුර අවසඟ
දුටුවාද ඔබ මැදියම..?
නිදි වරා හිඳ තුන්යම
ලියූ කවියද ගුලිකොට
ගිනි තැබූවෙකු අලුයම..
දුටුවාද ඔබ කිසිදින..?
තෙරක් නොමැතිව පාවෙන
හිතක් නැති මේකුළකට
නතර වෙන්නැයි පවසන
කෙනෙක් සිටියෙද මිහිමත..?
මෝසම් වැස්ස කෙළවර
ඉතිරි වුන කළ ගොළුවත..
වැහිළිහිණින්ට අමතන
මියැසියක හඬ ඇසුණිද..?
මළහිරු ගිලෙනු දැක දැක
බොහෝ සිතුවිලි සිරකොට..
චිතකය අසළ මරණය
පතන මිනිසෙකු දුටුවෙද..?
මේ කියලා තියෙන්නේ මං ගැනද කියලා මට හිතුණා.
ReplyDelete