අතීතය
පටු නිම්නයකි
සදාකාලික
ස්වප්නයකි..
සිල් බිඳුණු අලුයම
මල් පියලි කොපුලත
කල් යල් බලා
තියා ගිය පිනි තිත යට ද
ඉතිහාසයකි.
අකල් වැස්සට නොසේදෙන
බිම වැටුණ
මැයි මලක ලේ රත
කල්පයක් කල් වුව
මකාලන්නට
බැරි සත්‍යයකි..
අරගන්න...
එය ඔබට
තව එක
මතක වස්ත්‍රයකි..
ජීවිතය
ලිහාගන්නට බැරි
ගෙත්තමකි
ආදරය
වලාකුළු මත ඇඳි
සිත්තමකි..
රසික ජයකොඩි
ජීවිතය කටු අත්තකි...එහි පලය ගල් වැස්සකි....
ReplyDelete'ජීවිතය ලිහා ගන්නට බැරි ගෙත්තමකි'
ReplyDeleteහරියටම හරි කියල මට හිතෙනව. වටිනාකමෙන් යුත් පද පෙලකි.
අකල් වැස්සට නොසේදෙන
ReplyDeleteබිම වැටුණ
මැයි මලක ලේ රත
කල්පයක් කල් වුව
මකාලන්නට
බැරි සත්‍යයකි..
අකල් වැස්සට නොසේදෙන
...සිහිනයකි....
ඒ මැයි මලට ඇත්තේ
...එක් නමකි.....
අසම්මත මුත් සැබැවින්ම
.....සෙනෙහසකි......
එහි තේරුම පසිඳිනු
.... නොහැකි ...... :(
තණබිමෙහි සැඟවි ගත්
කුසුම මම
කැලෑ මලී
ලස්සනයි!!!
ReplyDeleteවලකුළු මත ඇදුන සිත්තම්
විටින් විට වෙනස් වෙයි
ආදරය හිත ඇතුලේ
නතර වී සුසුම් ලයි
ලිහාගන්නට බැරුව ලතැවෙන
ජීවිතය නම් මහ මෙරයි
මැයි මලක රත් පැහැය
වැහි දියට සේදුනොත්
එය අරුමයක් මයි
:) :)
ReplyDelete